निष्पक्ष र विश्वसनीय खबरको सँगालो 
Khabar Punja
१० आश्विन २०८१, शुक्रबार
दमाैली । तनहुँको देवघाट गाउँपालिका–५ टाउनचोकमा बाँदरको आक्रमणबाट एक वृद्धा गम्भीर घाइते भएकी छन् । घाइते हुनेमा ९२ वर्षीया पवित्रा पौडेल रहेकी छन् ।
घर अगाडी बसिरहेका बेला बिहीबार बाँदरको आक्रमणबाट पौडेल घाइते भएकी हुन्। उनकाे ढाड तथा हातमा चोट लागेको छ । बाँदरले आक्रमण गरिरहेको देखेपछि आफूहरु गएर बाँदर धपाएको स्थानीयवासी हरिलाल सापकोटाले जानकारी दिए ।
घाइते वृद्धालाई धर्मार्थ अस्पतालमा लगेर टिटीको सुइ लगाइएको छ । उक्त अस्पतालमा रेबिज विरुद्धको खोप नभएकाले उहाँलाई आज भरतपुर लैजाने तयारी गरिएको छ ।
पछिल्लो समय देवघाटमा बाँदर आतङ्क बढेको छ । दैनिकजसो बाँदरको आक्रमणबाट घाइते भइरहेका छन् । बाँदर आतङ्क बढेपछि स्थानीयवासी त्रसित र आजित भएका छन् ।
