निष्पक्ष र विश्वसनीय खबरको सँगालो 
Khabar Punja
१५ पुष २०८२, बुधबार
काठमाडौ, २४ कात्तिक । मधेस प्रदेशमा सरकार गठन आह्वान नै नगरी नेकपा (एमाले) संसदीय दलका नेता सरोजकुमार यादवलाई मुख्यमन्त्रीमा नियुक्त गरिएपछि तीव्र विरोध भएको छ ।
सोमबार (कात्तिक २४) बिहान करिब ४ बजे महोत्तरी र सिन्धुलीको सिमाना जंगलस्थित पानस कटेजमा मुख्यमन्त्रीको पद तथा गोपनीयताको शपथ लिएर फर्किएका यादवलाई कार्यालय प्रवेशमा अवरोध गरिएको छ । मुख्यमन्त्री कार्यालयमा सामान्य तोडफोडपछि कर्मचारी निकालेर तालाबन्दी गरिएको एक नेताले जानकारी दिए ।
मुख्यमन्त्री कार्यालयको चाबी नेपाली कांग्रेस नेतृत्वको सातदलीय गठबन्धनको हातमा छ ।
यस्तै, जनकपुरधामस्थित प्रदेश प्रमुखको कार्यालयमा पनि बाहिर गमलालगायत तोडफोड गरेर तालाबन्दी गरिएको ती नेताले बताए ।
संविधानानुसार प्रदेश प्रमुखले सरकार गठनको आह्वान नै नगरी काठमाडौं जान्छु भन्दै हिँडेर बाटोमा मुख्यमन्त्री नियुक्त गरेको भन्दै प्रदेश प्रमुखविरुद्ध उनीहरू आक्रोशित देखिएका छन् ।
प्रदर्शनकारीले ‘संविधानविपरीत मुख्यमन्त्री नियुक्त गर्न पाइँदैन’, ‘बाटोबाटोमा मुखयमन्त्री नियुक्त गर्न पाइँदैन’, ‘मधेसविरोधी मुख्यमन्त्री मुर्दावाद’ भन्दै नाराबाजी गरिरहेका छन् ।
