निष्पक्ष र विश्वसनीय खबरको सँगालो 
Khabar Punja
१ चैत्र २०८२, सोमबार
दमौली, १ चैत । तनहुँको भिमाद नगरपालिका–९ अस्पाक्दीमा आज भएको ट्याक्टर दुर्घटनामा एक जनाको मृत्यु भएको छ भने तीन जना घाइते भएका छन् ।
रिठ्ठाभञ्ज्याङ–सेराबेंशी मोटर मार्गमा बुचाखानीबाट निर्माण सामग्री लोड गरी ठकुरी थरतर्फ जाँदै गरेको लु ३ त ३०२६ नम्बरको ट्याक्टर नालीमा दुर्घटना हुँदा एक जनाको मृत्यु भएको जिल्ला प्रहरी कार्यालय तनहुँले जनाएको छ ।
प्रहरी नायब उपरिक्षक श्रवणकुमार विकका अनुसार दुर्घटनामा ट्याक्टरमा सवार कपिलवस्तुको शिवराज नगरपालिका–१ चैनपुर घर भएका ४५ वर्षीय माइला भन्ने लड्डु थारुको मृत्यु भएको हो ।
दुर्घटनामा ट्याक्टर चालक तनहुँको म्याग्दे गाउँपालिका–५ छाङपाटन बस्ने ३२ वर्षीय अनिल कुमाल, कपिलवस्तुका नारायण पुन र दुर्गाबहादुर पुन घाइते भएका छन् । घाइतेहरु जिपी कोइराला श्वासप्रश्वास उपचार केन्द्रमा उपचार पश्चात् डिस्चार्ज भएको प्रहरीले जनाएको छ ।
