निष्पक्ष र विश्वसनीय खबरको सँगालो 
Khabar Punja
१० जेष्ठ २०८३, सोमबार
दमौली, ११ जेठ । व्यास नगरपालिकाका प्रमुख वैकुण्ठ न्यौपानेले सफासडक पार्किङका विषयमा परीक्षणकाल अवधिभर सहयोग गर्न व्यवसायीलाई आग्रह गरेका छन् । सोमबार नगरपालिकामा आयोजित छलफलका क्रममा नगरप्रमुख न्यौपानेले सफासडकमा पार्किङ निषेधका विषयमा व्यवसायीले विरोध जनाएको सन्दर्भमा परीक्षणकाल अवधिभर सहयोगका लागि आग्रह गरेका हुन् ।
नगरप्रमुख न्यौपानेले यो अन्तिम निर्णय नभएकाले जहाँ जहाँ समस्या आउँछ त्यसलाई समाधान गर्दै जाने बताए । उनले भने, “यो अन्तिम निर्णय होइन । परीक्षणकाल भएकाले सहयोगका लागि सबैलाई आग्रह गर्छु । समस्या समाधान गर्दै अगाडी बढ्न हामी तयार छौ ।”
नगरपालिकाले आइतबारदेखि लागु हुने गरी सफासडकमा पार्किङ निषेध गरेको छ । सोको विरोधमा आइतबार नै व्यवसायीले विरोध प्रदर्शन गरेका थिए ।
नगरपालिकाले जेठ १० गतेदेखि १५ दिनसम्मका लागि परीक्षणकाल ताेकेकाे छ ।
