निष्पक्ष र विश्वसनीय खबरको सँगालो 
Khabar Punja
२ पुष २०८१, बुधबार
बार्सिलोनाका कप्तान लियोनल मेस्सीले क्लबले आगामी खेलहरुमा यस्तै प्रदर्शन गरे च्याम्पियन्स लिग जित्ने कुनै पनि सम्भावना नभएको बताउनुभएकाे छ । मेस्सी सम्मिलित बार्सिलोना बिहीबार राति ११ औँ स्थानको ओसासुनासँग २–१ गोल अन्तरले पराजित भएको थियो । बार्सिलोनाको पछिल्लो समयको खराब प्रदर्शनले गर्दा ला लिगाको उपाधि होडबाट बाहिरिनु परेको हो । यो सिजन ला लिगाको उपाधि रियल मड्रिडले उचालेको छ । बार्सिलोनाले पछिल्ला दश खेलहरुमा ६ खेलमा जित निकालेको छ भने तीन खेलमा बराबरी खेलको छ । बार्सिलोना एक खेलमा पराजित भएको छ ।
“यस्तै तरिकाको खेल प्रदर्शन भएमा च्याम्पियन्स लिगको उपाधि जित्ने सम्भावना शून्य छ । पछिल्ला खेलहरुमा हाम्रो प्रदर्शन सिजनकै खराव छ । गएरातिको प्रदर्शन सिजनकै खराब प्रदर्शन हो । खेलको अन्तिममा सिट्ठी बज्दा मनमा नराम्रो आभास भएको थियो,” मेस्सीले खेलपछिको अन्तर्वार्तामा भन्नुभयाे ।
