Khabar Punja

तनहुँ/असार २८ र २९ गतेको बाढी पहिराबाट विस्थापित भएका तनहुँको म्याग्दे गाउँपालिकाका स्थानीयवासीलाई गाउँपालिकाले राहत वितरण गरेको छ । बाढी पहिराले घर भत्किएपछि विस्थापित भएका ७१ परिवारलाई गाउँपालिकाले शनिबार राहत वितरण गरेको हो ।

म्याग्दे गाउँपालिका–१ का ७, वडा नं २ का २७, वडा नं ३ का ८, वडा नं ४ का २, वडा नं ५ का ५, वडा नं ६ र वडा नं ७ का १४ परिवारलाई राहत वितरण गरिएको गाउँपालिकाका अध्यक्ष मायादेवी रानाले जानकारी दिनुभयो । ती परिवारलाई नगद रु पाँच हजार र दैनिक उपभोग्य वस्तुहरु प्रदान गरिएको छ ।

“म्याग्दे गाउँपालिका आफ्ना वासिन्दाप्रति उत्तरदायी छ, जनताको दुःखमा सहयोग गर्नु गाउँपालिकाको दायित्व हो,” उहाँले भन्नुभयो, “पहिलो चरणमा प्राप्त तथ्याङ्कका आधारमा राहत सहयोग गरेका छौ ।” ढी पहिराबाट विस्थापित भएका घरधुरीको तथ्याङ्क सङ्कलन गर्ने क्रममा पहिलो चरणमा ७१ परिवारलाई राहत वितरण गरिएको र बाँकीलाई क्रमशः वितरण गरिने गाउँपालिकाका प्रमुख प्रशासकीय अधिकृत हरिराम नागिलाले जानकारी दिनुभयो । नागिलाका अनुसार अन्य जोखिममा रहेका वासिन्दालाई पनि वडाबाट प्राप्त हुने विवरणका आधारमा राहत वितरण गरिनेछ ।