निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
काठमाडौ । कोभिड-१९ को जोखिम दिनप्रतिदिन बढ्दै गइरहेपनि सरकारले पुन: लकडाउन हुने अवस्था नरहेको प्रष्ट पारेको छ । सरकारका प्रवक्ता समेत रहनुभएका सूचना तथा सञ्चारमन्त्री डा. युवराज खतिवडाले तत्काललाई विगतको जस्तो देशव्यापी लकडाउन नहुने जानकारी दिनुभयो ।
मन्त्रिपरिषद्को निर्णय सार्वजनिक गर्न बिहीबार सञ्चार मन्त्रालयमा आयोजित पत्रकार सम्मेलनमा बोल्दै मन्त्री खतिवडाले चैत ११ गतेको जस्तो लकडाउनबारे सरकारले केही पनि नसोचेको प्रष्ट पार्नुभयो ।
तर कोभिड–१९ को जोखिम हेरेर जिल्ला प्रशासन कार्यालय र स्थानीय सरकारहरूले भने लकडाउनबारे निर्णय लिन सक्ने मन्त्री खतिवडाले जानकारी दिनुभयो । स्थानीय प्रशासनको निर्णय अनुसार केही जिल्लामा लकडाउन रहेको उल्लेख गर्दै उहॉले भन्नुभयो, “पूर्र्ण लकडाउन हुन्छ की भनेर त्रस्त हुनुपर्ने अवस्था छैन ।”
सङ्क्रमणको जोखिम नभएको ठाउँमा खुकुलो र सङ्क्रमण भएको ठाउँमा कडा गर्ने सरकारको नीति रहेको उहॉको भनाइ छ ।
