निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ : मेरिल्याण्ड र पेनसेलभेनियाका लागि महावाणिज्यदूत तथा वरिष्ठ लोकगायक प्रेमराजा महत र उहाँकी पत्नी कविता महत कोरोनाबाट मुक्त हुनुभएकाे छ । गत अगस्त ७ मा महतले आफू र श्रीमती कवितालाई काेराेना सङ्क्रमण भएको जानकारी फेसबुकमार्फत् दिनुभएकाे थियाे ।
कोरोनालाई जितेपछि महतले अगस्त २८ शुक्रबारको दिन कोरोनाबाट मुक्त भएको जानकारी फेसबुकमार्फत् नै दिनुभएकाे छ । महतले भन्नुभएकाे छ, ‘विश्वभरी रहेका हजारौं हजार इष्टमित्रहरूको आशिर्वाद र माया प्रेमले हामीलाई यति हिम्मत दियो कि घातक संक्रमण गर्ने विश्व महामारीको मूलजड कोरोनालाई परास्त गर्ने सफलता मिल्यो ।’
कोरोना संक्रमणपछि महत दम्पती आफ्नै घरमा छोरा डा. सरगम महतको निरीक्षण र निगरानीमा बस्नुभएकाे थियाे । महतले आफूहरु संक्रमित भएको सार्वजनिक गरेपछि विश्वभरबाट नेपालीहरुले उहाँको स्वास्थ्य लाभको कामना गरेका थिए ।
महतले सबैको गहिरो मायाप्रेम, भगवान पशुपतिनाथ र ईष्टदेवी तनहुँ अवस्थित ढोर बाराहीमाईको कृपाका कारण आफूहरु कोरोनामुक्त भएको उल्लेख गर्नुभएकाे छ ।
