Khabar Punja

पाल्पा : पाल्पामा कोरोना संक्रमित पुरूषको मृत्यु भएको छ। भदौ २२ गते युनाइटेड मिसन अस्पताल तानसेनमा भर्ना भएका तानसेन नगरपालिका वडा नंं ७ का ५२ वर्षीय पुरूषको उपचारको क्रममा बिहीबार बिहान मृत्यु भएको हो।

उच्च रक्तचाप र कलेजोको समस्या देखिएपछि अस्पतालमा भर्ना भएका उनको स्वाब परीक्षण गर्दा कोरोना भाइरसको समेत संक्रमण देखिएको अस्पतालले जनाएको छ। उच्च रक्तचाप र कलेजोको समस्यासँगै कोरोना संक्रमण पुष्टि भएपछि स्वास्थ्य अवस्था गम्भीर भएपछि आइसियू भेन्टिलेटरको अभाव हुँदा बिरामीको मृत्यु भएको मिसन अस्पतालका प्रशासकीय अधिकृत जीवन भट्टराईले बताउनुभयाे । पाल्पामा योसँगै कोरोना संक्रमणबाट मृत्यु हुनेको संख्या तीन पुगेको छ।

फाइल तस्वीर