निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
काठमाडौ : संविधान दिवसका अवसरमा आज असोज २ देखि ४ गतेसम्मका लागि अनलिमिटेड युट्युब, फेसबुक तथा अन्य विभिन्न प्याक उपलब्ध गराइएकाे नेपाल टेलिकमले जनाएकाे छ।
टेलिकमका अनुसार असोज २, ३ र ४ गते अनलिमिटेड युट्युब तथा अनलिमिटेड फेसबुक प्याक छुट्टाछुट्टै ५५ रुपियाँ प्रतिप्याक खरिद गरी खरिद गरिएको मितिबाट ३ दिनसम्म प्रयोग गर्न सकिनेछ।
साथै अनलिमिटेड युट्युब र अनलिमिटेड फेसबुक प्याकमध्ये कुनै एक खरिद गर्ने ग्राहकले एड-अन प्याकका रुपमा १५ रुपैयाँमा १ जीबी डाटा प्याक खरिद गरी डाटा प्रयोग गर्न सकिने सुविधासमेत उपलब्ध गराइएकाे छ। यो प्याक पनि खरिद गरेको मितिबाट ३ दिनसम्म प्रयोग गर्न सकिने टेलिकलमे जनाएकाे छ।
टेलिकमका अनुसार हाल समर अफरअन्तर्गत २८ दिन समयावधि हुने १ जीबी दैनिक डाटा प्याक लिन ८ सय ५० रुपैयाँ लिने गरिएकामा संविधान दिवसका अवसरमा यसमा पनि ३४ दशमलव ७ प्रतिशत छुट गरिएको छ। जसअनुसार अब यो प्याक असोज ४ गतेसम्म ५५५ रुपैयाँमै उपलब्ध हुने कम्पनीले जनाएकाे छ।
