निष्पक्ष र विश्वसनीय खबरको सँगालो 
Khabar Punja
२८ कार्तिक २०८१, बिहीबार
तनहुँ : चिकित्सा क्षेत्र सुधारको माग राख्दै अनसनमा रहनुभएका डा. गोविन्द केसीको समर्थनमा दमौलीमा पनि अनसन शुरु भएको छ । दमौलीका दुई युवाहरुले शुक्रबार बिहान ११ बजेदेखि १९ घण्टे अनसन शुरु गर्नुभएको हो ।
दमौलीस्थित मुख्यचोकमा सागर घिमिरे र विनोद सापकोटा अनसनमा बस्नुभएको छ । समग्र चिकित्सा क्षेत्र सुधारको माग राख्दै डा. केसीले पटक पटक अनसन बसेपनि सरकारले उहाँको माग पूरा नगरेको भन्दै दबाब स्वरुप आफूहरु अनसनमा बसेको घिमिरेले जानकारी दिनुभयो । शुक्रबार बिहान ११ बजेदेखि शुरु भएको अनसन शनिबार बिहान ६ बजेसम्म चल्नेछ । “डा. केसीले उठाउनुभएको माग एकदमै जायज छ, तर सरकार उहाँको माग पूरा गर्नेतर्फ लागेन,” घिमिरेले भन्नुभयो ।
