निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : तनहुँमा शनिबार दुई जनामा कोरोना सङ्क्रमण पुष्टि भएको छ । स्वास्थ्य निर्देशनालयले दिउँसो १ बजे सार्वजनिक गरेको विवरण अनुसार शुक्लागण्डकी र भानु नगरपालिकाका एक/एक जनामा कोरोना सङ्क्रमण पुष्टि भएको हो ।
शुक्लागण्डकी नगरपालिका–२ का २५ र भानु नगरपालिका–२ का २ वर्षीय पुरुषमा सङ्क्रमण पुष्टि भएको छ ।
यसैगरी कास्की, मनाङ र लमजुङमा पनि १३ जना सङ्क्रमित थपिएका छन् । स्वास्थ्य निर्देशक डा. विनोदविन्दु शर्माका अनुसार कास्कीको पोखरा महानगरपालिकामा १०, मनाङको चामे गाउँपालिकामा एक र लमजुङको दूधपोखरी गाउँपालिका र राइनास नगरपालिकामा एक/एक सङ्क्रमित थपिएका छन् ।
पोखरा महानगरपालिका–४ का ४५ र ४७ वर्षीय पुरुषहरु जिल्ला प्रहरी कार्यालय, कास्कीमा कार्यरत हुनुहुन्छ भने वडा नं ६ का २६ वर्षीया महिला राष्ट्रिय वाणिज्य बैङ्क, गैडाकोटमा कार्यरत हुनुहुन्छ । वडा नं १० का ४७ वर्षीय पुरुष पोखरा स्वास्थ्य बिज्ञान प्रतिष्ठान, पोखराको प्रयोगशालामा कार्यरत स्वास्थ्यकर्मी हुनुहुन्छ्र । मनाङको चामेका ३१ वर्षीय पुरुष नेपाल प्रहरीमा कार्यरत हुनुहुन्छ
यो सँगै गण्डकी प्रदेशमा कोरोना सङ्क्रमितको सङ्ख्या ३ हजार ६ सय ६० पुगेको छ ।
