निष्पक्ष र विश्वसनीय खबरको सँगालो 
Khabar Punja
६ आश्विन २०८१, सोमबार
तनहुँ : म्याग्दे–दमौली समाज तनहुँले शुक्रबार अन्तरक्रिया कार्यक्रम सम्पन्न गरेको छ । समाजको विधानमाथि भएको अन्तरक्रियामा सहभागीहरुले समाजले गर्नुपर्ने काम र कर्तव्यका बारेमा धारणा राखेका थिए ।
विशेषगरि म्याग्देबाट दमौली वरपर आएर स्थायी तथा अस्थायी रुपमा बसोबास गरेका वासिन्दाहरुले म्याग्दे गाउँपालिका अन्र्तगत रहेका जनताको जनताको समस्या समाधान, विकास निर्माण, खेलकुद, स्वास्थ्य र आपतविपद्मा बारेमा छलफल गरेका थिए । विधान निर्माण समितिका सदस्य केशवराजले समाजको मुख्य कार्यभारलाई केन्द्रभागमा राखेर विधान तयार पारिएको जानकारी दिनुभयो ।
समाजका अध्यक्ष भाग्यशाली ढुङ्गानाको अध्यक्षतामा भएको कार्यक्रममा म्याग्दे–काठमाडौ समाजका अध्यक्ष माधवप्रसाद घिमिरेले म्याग्देवासीको जीवनस्तर, स्वास्थ्य र शिक्षामा कसरी भूमिका खेल्न सकिन्छ भन्ने विषय नै समाजको मूल कार्यभार रहेको बताउनुभयो ।
समाज गठन गरेर सदस्यता मार्फत् कोष स्थापना गरेर म्याग्देवासीको सुख दुखमा साथ दिने अभिप्राय स्वरुप अगाडी बढिएको समाजका अध्यक्ष ढुंगानाले बताउनुभयो । कार्यक्रमका सहभागीहरुले समाजको मुख्य उद्देश्य पूरा गर्न सबै हातेमालो गरेर अगाडी बढ्नुपर्नेमा जोड दिएको सचिव पदमकुमार श्रेष्ठले बताउनुभयो ।
