निष्पक्ष र विश्वसनीय खबरको सँगालो 
Khabar Punja
७ मंसिर २०८१, शनिबार
तनहुँ : तनहुँको व्यास नगरपालिकामा १६ सहित २६ जनामा कोरोना सङ्क्रमण पुष्टि भएको छ । स्वास्थ्य निर्देशनालयले जारी गरेको विवरण अनुसार व्यास, शुक्लागण्डकी र भीमाद नगरपालिकामा २६ जना सङ्क्रमित थपिएका हुन् । कोरोना सङ्क्रमित हुनेमा एक महिनाकी बालिका पनि छन् ।
व्यास नगरपालिकामा १६, भीमाद नगरपालिकामा ७, शुक्लागण्डकी नगरपालिकामा तीन जनामा सङ्क्रमण पुष्टि भएको स्वास्थ्य निर्देशक डा. विनोदविन्दु शर्माले जानकारी दिनुभयो ।
व्यास नगरपालिका-२ का २७, ५३, २७, ४६ वर्षीय पुरुष, सोही वडाका २७, ४२ वर्षीया महिला, व्यास नगरपालिका-३ का ४८, २९, १५ वर्षीय पुरुष, सोही वडाकै ४६, १७, ३० वर्षीया महिलामा कोरोना सङ्क्रमण पुष्टि भएको छ ।
व्यास नगरपालिका-४ का २८ वर्षीय पुरुष र ४२ वर्षीया महिला, व्यास नगरपालिका-११ का २८ वर्षीय पुरुषमा सङ्क्रमण पुष्टि भएको हो ।
त्यस्तै शुक्लागण्डकीका एक महिने बालिका र तीन वर्षीय बालकलाई पनि सङ्क्रमण पुष्टि भएको छ । शुक्लागण्डकी नगरपालिका-५ कै २३ वर्षीया महिलालाई पनि सङ्क्रमण पुष्टि भएको छ । भीमाद नगरपालिका-६ का ५२ र ५० वर्षीया महिला, २३, २६, ४४ वर्षीय पुरुषमा सङ्क्रमण पुष्टि भएको छ ।
