निष्पक्ष र विश्वसनीय खबरको सँगालो 
Khabar Punja
२७ कार्तिक २०८१, बुधबार
तनहुँ : तनहुँको दमौलीस्थित पुरानो कृषि विकास बैङ्कको भवनमा सञ्चालित आइसोलेशनका लागि स्वास्थ्य सामग्री र पिउने पानी सहयोग गरिएको छ । रोटरी क्लव अफ दमौलीका अध्यक्ष दामोदर भण्डारी, सचिव सागर पौडेल र रोटर्याक्ट क्लव अफ दमौलीका पूर्व अध्यक्ष मनोज राउतले आइसोलेशनमा रहेका कोरोना सङ्क्रमितका लागि बुधबार स्वास्थ्य सामग्री र पिउने पानी उपलब्ध गराउनुभएको हो ।
आइसोलेशनका सङ्क्रमितलाई स्वास्थ्य सामग्रीको अभाव भएको जानकारी पाएपछि आफूहरुले व्यक्तिगत रुपमा उक्त सामग्री सहयोग गरेको रोटर्याक्ट क्लव अफ दमौलीका पूर्व अध्यक्ष राउतले जानकारी दिनुभयो । उहाँका अनुसार आइसोलेशनका लागि एक सय थान मास्क, दुई थान पाँच सय एमएलकाे स्यानीटाइजर र ६ दर्जन पिउने पानी उपलब्ध गराइएको छ ।
काेराेना सङ्क्रमितकाे लागि गरिएकाे सानाे सहयाेगल सामाजिक सङ्घसंस्थाकाे उत्तरदायित्व समेत भएकाे राेटरीका अध्यक्ष भण्डारीले बताउनुभयाे । भण्डारी स्वयमं काेभिड सङ्क्रमित भएपछि हाेम आइसाेलेशनमा बसिरहनुभएकाे छ ।
