निष्पक्ष र विश्वसनीय खबरको सँगालो 
Khabar Punja
१५ आश्विन २०८१, बुधबार
काठमाडाै : सत्तारुढ नेपाल कम्युनिस्ट पार्टी (नेकपा) अध्यक्ष एवम् प्रधानमन्त्री केपी शर्मा बुधबार फेरि शीतल निवास पुग्नुभएकाे छ । मंगलबार साँझ मात्र पनि प्रधानमन्त्री ओली र राष्ट्रपति भण्डारीबीच भेटघाट र छलफल भएको थियो । पछिल्लो समय नेपाल कम्युनिस्ट पार्टीमा देखिएको विवाद समाधान गर्न प्रधानमन्त्री ओलीले राष्ट्रपति भण्डारीको साथ र सहयोग खाेज्नुभएकाे छ ।
यसअघि मंगलबार साँझ मात्र राष्ट्रपति भण्डारीले नेकपाका कार्यकारी अध्यक्ष पुष्पकमल दाहाल प्रचण्डलाई पनि भेट्नुभएकाे थियाे। यो भेटमा उहाँले प्रचण्डलाई ओलीसँग मिलेर जान अनुरोध गर्नुभएकाे थियाे ।
प्रचण्ड शीतल निवासबाट निस्किएपछि प्रधानमन्त्री ओली शीतल निवास पुग्नुभएकाे थियाे । त्योबीचमा उहाँले चिनियाँ राजदूत हाउ यान्छीलाई भेट गर्नुभएकाे थियाे ।
आज विहान राष्ट्रपति कहाँ प्रधानमन्त्री ओली पुग्नुलाई नेकपाको राजनीतिमा महत्वपूर्ण रुपमा हेरिएको छ । आज दिउँसो १ बजे नेकपाको सचिवालय बैठक बस्दै छ । त्यस लगत्तै २ बजे प्रधानमन्त्री ओलीले मन्त्रिपरिषद् बैठक बाेलाउनुभएकाे छ ।
