Khabar Punja

तनहुँ : तनहुँको व्यास नगरपालिका–५ मानुङकाेट घुम्न आएका एक युवकको बुधबार मृत्यु भएको छ । मङ्गलबार राति बास बसेर बुधबार बिहान मानुङकाेट घुमेका शुक्लागण्डकी नगरपालिका–७ का ३५ वर्षीय सागर थापाको मृत्यु भएको हो ।

बिहान साथीहरुसँगै घुमेर स्थानीय सुकराम थापाको घरमा आराम गर्न सुतेका थापा मृत अवस्थामा फेला परेको जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाले जानकारी दिनुभयो । “१०÷१२ जनाको समूहमा युवाहरु हिजो राति आएर बासेका रहेछन्, बिहान घुमेर आएपछि एकछिन आराम गर्छु भनेर सुतेका सागर मृत अवस्थामा भेटिए,” प्रनाउ तिमिल्सिनाले भन्नुभयो, “थप अनुसन्धान हुँदैछ ।”

सागर उक्त घरमा सुतेपछि अन्य साथीहरु भने घुम्न निस्किएका थिए । पछि फर्किने बेला उठाउँदा नउठेपछि सागरको मृत्यु भइसकेको जानकारी पाइएको थियो ।