निष्पक्ष र विश्वसनीय खबरको सँगालो 
Khabar Punja
२६ पुष २०८१, शनिबार
तनहुँ : तनहुँको व्यास नगरपालिका–१३ बेलबासबाट शुक्रबार आठ जना जुवाडे पक्राउ परेका छन् । बलराम रानाको घरभित्र तास खेलिरहेको सूचनाका आधारमा प्रहरीले आठ जना जुवाडेलाई पक्राउ गरेको हो ।
जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाको नेतृत्वमा खटिएको प्रहरी टोलीले केशर आले, यम बहादुर आले, गगन सिंह परियार, बलराम राना, चन्द्र बहादुर मगर, विष्णु बहादुर सेढाई, विवेक बहादुर सेढाई र तुला थापा मगरलाई पक्राउ गरेको हो ।
प्रहरी नायब उपरिक्षक तिमिल्सिनाले पक्राउ परेका व्यक्तिहरुका साथबाट रु २६ हजार दुई सय ७५ नगद, २ सय ७० पत्ति तास र एक थान तन्ना बरामद गरेको जानकारी दिनुभयो ।
