निष्पक्ष र विश्वसनीय खबरको सँगालो 
Khabar Punja
४ आश्विन २०८१, शनिबार
तनहुँ : पृथ्वीराजमार्ग अन्तर्गत तनहुँको व्यास नगरपालिका–१२ घाँसीकुवाबाट लागुऔषध कारोवारी पक्राउ परेका छन् । राजमार्ग छेउ झोला बोकी शङ्कास्पद तरिकाले उभिएका भानु नगरपालिका–६ ढुङ्गाडे गाउँ घर बताउने ३१ वर्षीय पूर्णबहादुर दमै लागुऔषध सहित आज पक्राउ परेका हुन् ।
निजले बोकेको झोलाभित्र प्लाष्टिकको पोका पारी लुकाई छिपाई राखेको अवस्थामा दुई एमएलको तरल पदार्थ सहितको डाइजेपाम ३९ थान, नुफिन ३९ थान, फेनरागन ३९ थान गरी १ सय १७ थान लागुऔषध बरामद भएको जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाले जानकारी दिनुभयो ।
पक्राउ परेका विरुद्ध जिल्ला अदालत तनहुँबाट लागुऔषध मुद्दा शीर्षकमा मुद्दा दर्ता गरी थप अनुसन्धान भइरहेको प्रहरीले जनाएको छ ।
