निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
तनहुँ : तनहुँमा शुक्रबार भएका छुट्टाछुट्टै दुर्घटनामा दुई जना घाइते भएका छन् । व्यास र बन्दीपुरमा भएका दुर्घटनामा दुई जना घाइते भएका हुन् ।
व्यास नगरपालिका-४ शहिद गेट स्थित पृथ्वी राजमार्गमा दमौलीबाट बुल्दिपुल तर्फ जाँदै गरेको ना६त २२९१ नं. को ट्याक्टर र विपरित दिशाबाट आउँदै गरेको ग१२प ८२९४ नं. को स्कुटर एक-आपसमा ठक्कर खान जाँदा स्कुटर चालक व्यास नगरपालिका-४ सितल टोल बस्ने वर्ष २२ को महेन्द्र गुरुङ घाइते भएको प्रहरीले जनाएको छ ।
त्यस्तै बन्दीपुर गाउँपालिका-१ आरुबोट स्थित डुम्रे बन्दीपुर भित्री सडक खण्डमा डुम्रेबाट बन्दीपुर तर्फ जाँदै गरेको ना३च९०६७ नं. को सुमो गाडीले बिपरीत दिशाबाट आउँदै गरेको ग१४प ३७९९ नं. को मोटरसाईकललाई ठक्कर दिँदा मोटरसाईकल चालक बन्दीपुर गाउँपालिका-५ ढाबगाउँ बस्ने वर्ष ३२ को बिक्रम गुरुङ घाईते भएका छन् ।
