निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ : जिल्ला प्रहरी कार्यालय तनहुँले जबरजस्ती करणी मुद्दाका सहित दुई फरार प्रतिवादीलाई आज पक्राउ गरेको छ । जिल्ला अदालत तनहुँको फैसलाबाट सजाय तोकिएका फरार प्रतिवादीलाई पक्राउ गरिएको प्रहरीले जनाएको छ ।
जबरजस्ती करणी मुद्दामा शुक्लागण्डकी नगरपालिका–१ थप्रेक बस्ने ४९ वर्षीय सुकबहादुर दमाई पक्राउ परेको जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाले जानकारी दिनुभयो । निजलाई अदालतले विसं २०७६ असार २३ गते पाँच वर्ष कैद तोकेको थियो ।
साथै विसं २०७० चैत १८ गतेको अदालतको फैसला बमोजिम एक वर्ष कैद तोकिएका काठ ओसारपसार मुद्दाका प्रतिवादी पक्राउ परेका छन् । पक्राउ पर्नेमा शुक्लागण्डकी नगरपालिका–१ थप्रेकका ३० वर्षीय निरज सुनार रहेका छन् । दुवैलाई सम्बन्धित घरवतनबाटै पक्राउ गरिएको हो ।
प्रहरीले पछिल्लो समय अदालतबाट सजाय तोकिएका फरार प्रतिवादीलाई पक्राउ गर्न अभियान नै चलाइरहेको छ ।
