निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
तनहुँ : तनहुँको म्याग्दे गाउँपालिका–४ मनहरिस्थित पार्वती प्राथमिक विद्यालयमा प. रुद्रमणि अधिकारी स्मृति पुस्तकालय स्थापना गरिएको छ । विद्यालयको १८ औं वार्षिकोत्सवको अवसरमा सहयात्रा नेपालको समन्वयमा भिलेज बुक विल्डर्स अमेरिकाको सहयोगमा पुस्तकालय शुभारम्भ गरिएको हो ।
उक्त पुस्तकालयको सोमबार म्याग्दे गाउँपालिकाका अध्यक्ष मायादेवी रानाले उद्घाटन गर्नुभयो । सो अवसरमा गाउँपालिकाका अध्यक्ष रानाले पुस्तकालयले सदुपयोग गर्न आग्रह गर्नुभयो ।
विद्यालय व्यवस्थापन समितिका अध्यक्ष चन्द्रकुमार मल्लको अध्यक्षतामा सम्पन्न कार्यक्रममा वडाध्यक्ष प्रेमबहादुर थापा, पूर्व स्रोतव्यक्ति एवं शिक्षाविद् हुतमणि अधिकारी, सहयात्रा नेपालकी संस्थापक अध्यक्ष कविता पराजुली अधिकारी, म्याग्दे साहित्य समाजका अध्यक्ष चन्द्रमणि अधिकारी लगायतले मन्तव्य राख्नुभएको थियो ।
सहयात्रा नेपालकी संस्थापक अध्यक्ष कविता पराजुली अधिकारीले सात वटै प्रदेशमा पुस्तकालय स्थापना गर्ने योजना रहेको बताउनुभयो ।
