निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दुलेगौँडा : युवा तथा खेलकुद विकास समिति शुक्लागण्डकी–१२ फिरफिरेको आयोजनामा र वडा कार्यालयको आर्थिक सहयोगमा बराहडाँडामा हुन लागेको प्रथम वडाध्यक्ष कप पुरुष भलिबल प्रतियोगिताको खेल तालिका सार्वजनिक भएको छ । शनिबार खेल तालिका सार्वजनिक भएको हो । आइतबारदेिख खेल हुँदैछ ।
उद्घाटन खेलमा शुक्लागण्डकी–५ र शुक्लागण्डी–१२ (ख) समूहले प्रतिष्पर्धा गर्ने खेल संयोजक निर्मल गुरुङले जानकारी दिनुभयो । उहाँका अनुसार आइतबार नै क्वाटर फाईनलका चार खेल हुनेछ ।
नगरका १२ वडाका समूहबीच प्रतिष्पर्धा गराउने उदेश्यले आयोजित प्रतियोगितामा २, ३ र ८ नम्बर वडाका समूह भने सहभागी भएका छैनन् । २८ गतेसम्म चल्ने प्रतियोगितामा प्रथम हुने समूहले नगद ६० हजार रुपैयाँको साथमा प्रमाणपत्र, मेडल र ट्रफी पाउनेछ । दोस्रो र तेस्रोले क्रमश : नगद ३० हजार रुपैयाँ, १५ हजार रुपैयाँको साथमा प्रमाणपत्र, मेडल र ट्रफी पाउनेछ ।
