निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
तनहुँ :आँबुखैरेनी गाउँपालिका-४ भॉगेमा आधारभूत स्वास्थ्य केन्द्रको भवन शिलान्यास गरिएको छ । गाउँपालिका अध्यक्ष गिरबहादुर थापाले बुधबार भवनको शिलान्यास गर्नुभएको हो ।
सो अवसरमा थापाले सबै वडाहरुमा स्वास्थ्य केन्द्रहरु स्थापना गरि आधारभूत स्वास्थ्य सेवा प्रदान गरिने बताउनुभयो । गाउँपालिका उपाध्यक्ष पुष्पादेवी श्रेष्ठले केन्द्रबाट सेवा संचालन पछि स्थानीयले उपलब्ध सम्पूर्ण स्वास्थ्य सेवा लिन आग्रह गर्नुभएको छ ।
प्रमुख प्रशासकीय अधिकृत विष्णुप्रसाद पोखरेलले औषधी, उपकरण र कर्मचारी व्यवस्थापन गरि सकेसम्म छिटो स्वास्थ्य केन्द्र भवनबाट सेवा प्रदान गरिने बताउनुभयो । आगामी जेष्ठ महिनाभित्र भवन निर्माण सम्पन्न गरिनेछ । ३८ लाख लागतमा भवन निर्माणको ठेक्का लागेको छ ।
