Khabar Punja

तनहुँ : तनहुँको बन्दीपुर गाउँपालिकाले राष्ट्रपति रनिङशिल्ड प्रतियोगिता स्थगित गरेको छ । चैत २२ गतेदेखि २४ गतेसम्म सञ्चालन हुन लागेको राष्ट्रपति रनिङशिल्ड प्रतियोगिता गाउँपालिकाले स्थगित गरेको हो ।

सरकारले वायुप्रदूषणका कारण चार दिन विद्यालय बन्द गर्ने निर्णय गरेसँगै प्रतियोगिताका लागि खेलाडी छनौट हुन नसकेकाले प्रतियोगिता स्थगित गरिएको गाउँपालिकाका शिक्षा अधिकृत विष्णु खत्री क्षेत्रीले बताउनुभयो । “वातावरणीय अवस्थालाई दृष्टिगत गरी सबै शिक्षण संस्थाहरु चैत २० गतेसम्म बन्द गर्ने निर्णय भएकाले विद्यालयको आन्तरिक तयारी र खेलाडी छनौट कार्य हुन सकेन,” उहाँले भन्नुभयो, “सोही कारण हाललाई प्रतियोगिता स्थगित गरिएको छ ।”