निष्पक्ष र विश्वसनीय खबरको सँगालो 
Khabar Punja
१ कार्तिक २०८१, शुक्रबार
तनहुँ : तनहुँको शुक्लागण्डकी नगरपालिका–५ बेलचौतारास्थित जिपी कोइराला श्वासप्रश्वास उपचार केन्द्रमा अक्सिजन प्लाण्ट निर्माण हुने भएको छ । कोरोना सङ्क्रमण बढ्दो अवस्थामा रहेको र जिल्लामा अक्सिजन प्लाण्टको आवश्यकता महशुस भएपछि तनहुँका प्रतिनिधि सभा केदार सिग्देल, कृष्णकुमार श्रेष्ठ र राष्ट्रिय सभा सदस्य भगवती न्यौपानेको विशेष पहलमा जिपीमा अक्सिजन प्लाण्ट निर्माण हुन लागेको हो ।
अर्थमन्त्रालयले आइतबार अस्पतालमा अक्सिजन प्लाण्ट निर्माण, भेन्टिलेटर र आइसियुका लागि रु ९ करोड बजेट विनियोजन गरेको छ । तनहुँ क्षेत्र नं १ का प्रतिनिधि सभा सदस्य कृष्णकुमार श्रेष्ठ (किसान) का अनुसार पाँच वटा भेन्टिलेटर र दश वटा आइसियु बेडका लागि रु ६ करोड र अक्सिजन प्लाण्ट निर्माण र उत्पादनका लागि रु तीन करोड गरी कूल रु नौ अर्थ मन्त्रालयबाट विनियोजन भएको छ ।
त्यस्तै अर्थ मन्त्रालयले दमौली अस्पतालमा अक्सिजन प्लाण्ट निर्माणका लागि अस्पतालको माग बमोजिम रु ३० लाख बजेट उपलब्ध गराउने निर्णय समेत गरेको छ ।
