निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
तनहुँ : कोरोनाको नयॉ भेरियन्ट ‘डेल्टा’ तनहुँको छिमेकी जिल्लामा पनि भेटिएको छ । गोरखा र स्याङ्जामा कोरोनाको नयॉ भेरियन्ट ‘डेल्टा पुष्टि भएको हो ।
गोरखाका तीन महिला र स्याङ्जाका दुई पुरुष गरी पॉच जनामा उक्त भेरियन्ट पुष्टि भएको स्वास्थ्य निर्देशनालयले जनाएको छ। गोरखाको बारपाक सुलिकोट गाउँपालिकाका ७०,३३,४० वर्षीया महिला र स्याङ्जाको कालीगण्डकी गाउँपालिकाका १४,६० वर्षीय पुरुषमा डेल्टा भेरियन्ट पुष्टि भएको प्रदेश स्वास्थ्य आपतकालिन कार्यसञ्चालन केन्द्रका संयोजक नवराज शर्माले जानकारी दिनुभयो ।
यो पहिलो अल्फा भेरियन्टमा भन्दा सङ्क्रमण हुने दर केही बढी भएकाले व्यक्तिगत सुरक्षाका मापदण्ड अपनाउन आग्रह गरिएको छ ।
