निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
तनहुँ : तनहुँमा साउन १० गतेसम्म निषेधाज्ञा थप भएको छ । जिल्ला सङ्कट व्यवस्थापन केन्द्र तनहुँले साउन १० गतेसम्म निषेधाज्ञा थप गर्ने निर्णय गरेको हो ।
यसअघि थप भएको निषेधाज्ञा असार ३१ गतेसम्म कायम छ । पछिल्लो समय थप भएकै मोडालिटीमा निषेधाज्ञा लम्ब्याउने निर्णय भएको सहायक प्रमुख जिल्ला अधिकारी चित्राङ्गत बरालले जानकारी दिनुभयो ।
उहॉका अनुसार अब थपिएको निषेधाज्ञाका क्रममा जिल्लाका सबै सडकखण्डमा सार्वजनिक यातायात सञ्चालन हुनेछ । “यसअघि पृथ्वीराजमार्गमा मात्रै सार्वजनिक यातायात सञ्चालन भएपनि अब जिल्लाभर जोरविजोरबाट यातायात चल्नेछन,” उहॉले भन्नुभयो ।
त्यस्तै रेष्टुरेन्ट दिउँसो ३ बजेसम्म स्वास्थ्य मापदण्ड अपनाएर सञ्चालन गर्न दिने निर्णय भएको छ।
खाद्यान्न तथा अत्यावश्यक पसल बिहान ५ देखि ११ बजेसम्म र अन्य पसल ९ देखि ३ बजेसम्म खुल्दै आएको छ ।
