निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमाैली : टिम नेपो तनहुँको तेस्रो अधिवेशन तथा पदस्थापना कार्यक्रम शनिबार सम्पन्न भएको छ । संस्थाका निवर्तमान अध्यक्ष गोविन्द तिमिल्सिनाको अध्यक्षतामा सम्पन्न कार्यक्रममा व्यास नगरपालिका वडा नम्बर ५ का अध्यक्ष एवं प्रवक्ता मोहनकुमार श्रेष्ठले संस्थाले नियमित भन्दा नयाँ खाले कार्यक्रमहरु गर्नुपर्ने सुझाव दिए ।
सो अवसरमा संस्थाका नवनियुक्त अध्यक्ष मिन कुंवरले आफ्नो कार्यकालमा गर्ने कार्यक्रमहरु प्रस्तुत गरेका थिए । सोही कार्यक्रममा नवनियुक्त अध्यक्षले आफ्नो कार्यसमितिलाई शपथग्रहण गराएका थिए ।
निवर्तमान अध्यक्ष गोविन्द तिमल्सिनाले आफ्नो कार्यकालमा उत्कृष्ट कार्य गर्ने विभिन्न पदाधिकारीहरुलाई पुरस्कार वितरण गरेका छन् । कार्यक्रममा दमौली व्ह्वीलर्स एण्ड बाइकर्स पोइन्टका मिरन नेपालीले टिम नेपो तनहुँको सदस्यलाई निशुल्क सर्भिस दिने घोषणा गरे । संस्थाका रमेश नेपालीले स्वागत गरेको कार्यक्रमको सञ्चालन रवि अधिकारीले गरेका थिए ।
