निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
दुलेगौँडा : दुलेगौँडा बजारवासीले दैनिक प्रयोग गर्दै आईरहेको खानेपानीको मुहान संरक्षण गर्ने उदेश्यले वृक्षारोपण गरिएको छ । रुदी खोलामा आईतबार लायन्स क्लब अफ शुक्लागण्डकी टाउनले वृक्षारोपण गरेको हो ।
खानेपानीको मुहान वरपर विभिन्न प्रजातीका ६५ विरुवा रोपेको क्लबका अध्यक्ष विष्णुबहादुर रानाले जानकारी दिए । क्लबको बार्षिक कार्यक्रम अन्तर्गत खानेपानी मुहान संरक्षण गर्न वृक्षारोपण गरेको उनको भनाई छ । रोपेका विरुवा हुर्काउन सके पानीको मुल नघट्ने उनको विश्वास छ ।
दुलेगौँडा खानेपानी तथा सरसफाई उपभोक्ता समितिका अध्यक्ष गजेन्द्र पौडेलले मुहान संरक्षणका लागी यस क्षेत्रमा वृक्षारोपणको महाअभियान चलाउनुपर्ने आवश्यकता औल्याए । पछिल्लो समय वृक्षरोपणका कार्यक्रम प्रशस्त हुने भएतापनि रोेपिएको वृक्षको संरक्षणमा कम ध्यान जाने गरेको उल्लेख गरे ।
