निष्पक्ष र विश्वसनीय खबरको सँगालो 
Khabar Punja
९ श्रावण २०८२, शुक्रबार
दमाैली : तनहुँको दमौलीस्थित भोर्लेटारचोकबाट लागुऔषध सहित दुई युवा पक्राउ परेका छन् । राजमार्गमा खटिएको प्रहरी टोलीले मङ्गलबार पर्वतको कुश्मा नगरपालिका–५ बस्ने २६ वर्षीय विकु मगर र सोही नगरपालिकाको वडा नं १० बस्ने २५ वर्षीय उमेश क्षेत्रीलाई लागुऔषध सहित पक्राउ गरेको हो ।
बुटवलबाट पोखरातर्फ जाँदै गरेको यात्रुवाहक बसमा चेकजाँच गर्ने क्रममा ती युवा पक्राउ परेको गण्डकी प्रदेश प्रहरी कार्यालयका प्रहरी उपरिक्षक अरुण पौडेलले जानकारी दिए । प्रहरीले निजहरुको साथबाट ४६ एम्पुल फेनरागन, ४६ एम्पुल डाइजेपाम र ४६ थान नुरफिन गरी एक सय ३८ एम्पुल लागुऔषध बरामद गरेको छ ।
