निष्पक्ष र विश्वसनीय खबरको सँगालो 
Khabar Punja
९ मंसिर २०८१, सोमबार
बन्दिपुर : विवेकशील साझा पार्टीले तनहुँको बन्दिपुरमा समिति घोषणा गरेको छ । बुधबार आयोजित भेलाले लक्ष्मण श्रेष्ठ संयोजक र रिस्ता श्रेष्ठ सहसंयोजक रहेको समिति घोषणा गरेको हो । समिति १२ सदस्यीय छ ।
भेलामा पार्टीका केन्द्रीय सदस्य एवं उद्यमशील विभाग प्रमुख आशुतोष प्रधानले वर्तमान राजनीतिक पार्टीबाट देश विकास सम्भव नरहेकाले विवेकशील साझा वैकल्पिक शक्तिको रुपमा उदाउने बताए ।
कार्यक्रममा पार्टीका गण्डकी प्रदेश उपसंयोजक जमुना शर्मा, केन्द्रीय सदस्य रजनी केसी, श्रीकृष्ण श्रेष्ठ, गण्डकी प्रदेशका अभियान विभाग प्रमुख अशोक खड्का, कास्की जिल्ला संयोजक फणिन्द्र अधिकारी लगायतले शुभकामना मन्तव्य राखेका थिए ।
विवेकशील साझा पार्टी तनहुँले जिल्लाभर सङ्गठन विस्तारको अभियान चलाएको जिल्ला संयोजक सागर घिमिरेले जानकारी दिए ।
