निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमाैली : विश्वकै दुर्लभ रोग स्पाइनल मस्कुलर एट्रोफी रोगबाट ग्रसित तनहुँको शुक्लागण्डकी नगरपालिका–५ का ९ महिने बालक मोहम्मद उस्मान अलीको उपचारमा सघाउन व्यास मुस्लिम समाजले सहयोग सङ्कलन जुटाउन थालेको छ । समाजले बुधबारदेखि दमौलीमा घरदैलो गरेर रकम सङ्कलन अभियान शुरु गरेको हो ।
बालकको उपचारमा निकै महङ्गो रकम आवश्यक पर्ने र परिवारको आर्थिक क्षमताले नभ्याउने भएपछि केही राहत् होस् भनेर रकम सङ्कलन थालिएको युवा सलमान शेषले जानकारी दिए । उनका अनुसार बिहीबार पनि दमौलीमा रकम सङ्कलनका लागि घरदैलो अभियान जारी राखिनेछ । उस्मानको उपचारका लागि देश तथा विदेशबाट पनि सहयोग जुट्ने क्रम जारी छ ।
ती बालकमा जन्मिएको तीन महिनामै एसएमए रोगको लक्षण देखिएको परिवारले जनाएको छ । उस्मानका परिवारले उनलाई तीन महिनादेखिनै पोखराका विभिन्न अस्पतालमा उपचार गराएर परीक्षण गर्दा रोगको पत्ता नलागेपछि ८ महिनाको उमेरमा कान्ति बाल अस्पताल लगेका थिए । उक्त अस्पतालमा उस्मानको उपचार बाल रोग विशेषज्ञ डा. बिना प्रजापतीको निरीक्षणमा भएको थियो ।
झण्डै २५÷३० परीक्षणपछि बिरामीको रगत परीक्षणका लागि भारत लाल पाथ पठाउँदा उस्मानलाई ‘स्पाइनल मस्कुलर एट्रोफी’ रोग लागेको पत्ता लागेको हो ।
