Khabar Punja

दमौली : तनहुँको बन्दिपुर गाउँपालिका निवासी अनिशा भुजेल विद्यालय जॉदै थिइन् । कक्षा ४ मा अध्ययनरत उनले बाटोमा हिँड्दै गर्दा उनले सिक्री भेटाइन् । सुनको त्यो सिक्री एक लाख भन्दा बढी मूल्यको थियो । अनिषा विद्यालय पुगिन् र त्यो सिक्री विद्यालय प्रशासनमा बुझाइन् ।

विद्यालयले सुनको सिक्री धनीको खोजी गर्यो । सम्बन्धित व्यक्ति फेला परेपछि विद्यालयले सिक्री हस्तान्तरण गर्यो । अनिषाको इमानदारिता देखेर ती व्यक्तिले उनलाई पॉच हजार पुरस्कार समेत दिएका छन् ।