निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमौली : व्यास नगरपालिका-५ पाटनस्थित पराशर माध्यमिक विद्यालयमा छात्रवृत्ति वितरण तथा दशैको शुभकामना आदानप्रदान कार्यक्रम सम्पन्न भएको छ । सोही कार्यक्रममा प्रथम चौमासिक सिकाई मूल्याङ्कनको नतिजा समेत प्रकाशन गरिएको छ ।
कार्यक्रममा विद्यालयका संरक्षक तथा वडा नम्बर ५ का अध्यक्ष मोहनकुमार श्रेष्ठले हरेक कक्षाबाट क्रमशः प्रथम, द्वितीय र तृतीय हुने बालबालिकालाई पुरस्कार तथा छात्रवृत्ति वितरण गरी शुभकामना प्रदान गरेका थिए ।
निवर्नतमान प्रधानाध्यापक हेम पौडेल, अ.शि.संघ शिक्षक प्रतिनिधि शम्भुलाल थापा लगायतले शुभकामना प्रदान गरेको कार्यक्रममा विद्यालयका प्रधानाध्यापक रामदत्त पौडेलले परीक्षाको नतिजा विश्लेषण गरेका थिए ।
विद्यालयका अध्यक्ष उषा क्षेत्रीको अध्यक्षतामा सम्पन्न कार्यक्रममा वि.व्य.स तथा शि.अ.संघका पदाधिकारीहरु, अभिभावक, शिक्षक, विद्यार्थीहरुको उपस्थिति रहेको थियो ।
