निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमौली : टिम नेपो तनहुँको आयोजना र व्यास नगरपालिकाको सहयोगमा बिहीबार छाब्दी बाराही मन्दिर परिसरमा बृहत सरसफाइ तथा स्वागत बोर्ड राख्ने कार्यक्रम सम्पन्न भएको छ । विगत दुई वर्षअघिदेखि तनहुँमा विभिन्न सामाजिक सेवा गर्दै आइरहेको टिम नेपोले तेस्रो वर्षमा घटस्थापनाको अवसर पारी सरसफाइ कार्यक्रम गरेको छ ।
उक्त कार्यक्रमको सभापती टिम नेपो तनहुँका अध्यक्ष मिम कुँवरले गरेका थिए । कार्यक्रममा छाब्दी बराही मन्दिर विकास कोष समितिका अध्यक्ष थान बहादुर थापा, उपाध्यक्ष दुर्गा बहादुर थापा, सचिव अनुप आले, छाब्दी बराही राजावाम युवा क्लवका अध्यक्ष गोविन थापा, छाब्दी प्रहरी इन्चार्ज कपिल अधिकारी र छाब्दी बराहीका पुजारी कृष्ण वहादुर आले उपस्थिति रहेको थियो।
छाब्दी वाराही मन्दिर विकास कोष समितिका अध्यक्ष थान बहादुर थापाले टिम नेपोको ब्यानरमा हस्ताक्षर गरी कार्यक्रमको उदघाटन गरेका थिए । टिम नपो तनहुँले विभिन्न सामाजिक सेवा तथा कार्यक्रमहरु गर्दै आइरहेको र यस क्षेत्रमा पनि नेपोले सहयोग गर्दा खुसी लागेको उनले बताए ।
सोक्रममा टिम नेपो तनहुँले १० वटा डस्टवीन सहयोग गरेको छ ।
