निष्पक्ष र विश्वसनीय खबरको सँगालो 
Khabar Punja
३१ बैशाख २०८१, सोमबार
काठमाडाै : श्रम, रोजगार तथा सामाजिक सुरक्षामन्त्री कृष्णकुमार श्रेष्ठ किसानले विदेशमा रहेका नेपालीको उद्धारमा सहयोग गर्न आग्रह गरेका छन् । आफूलाई भेट्न आइतबार आएका युएई र साउदी अरबका राजदूतसँग श्रममन्त्री श्रेष्ठले युएई र साउदी अरबमा अलपत्र परेका, मृत्यु भएका र जेलमा रहेका नेपाली श्रमिकको उद्धारमा आवश्यक सहयोग गर्न आग्रह गरेका हुन् ।
विभिन्न कारणले विदेशमा अलपत्र परेका र जेलमा रहेका नेपाली श्रमिक दाजुभाई तथा दिदीबहिनीलाई छिटो भन्दा छिटो नेपाल फर्काउन श्रममन्त्री श्रेष्ठले सम्बन्धित राजदुतलाई आग्रह गरेको सचिवालयले जनाएको छ ।
मन्त्री श्रेष्ठसँग युएईका राजदुत साइद हमदार मोहम्मल अल नक्की र साउदी अरबका राजदुत मुसेद वनि सुलेमानले आइतबार महाराजगञ्जस्थित मन्त्री श्रेष्ठको निवासमा भेटघाट गरेका थिए । सो अवसरमा राजदूतहरुले श्रममन्त्री श्रेष्ठलाई बधाई ज्ञापन गर्दै दुई देशबीचको हितका लागि आपसी समझदारीमा काम गर्ने बताएका थिए ।
