निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
दुलेगाैडा : तनहुँको शुक्लागण्डकी नगरपालिका–४ दुलेगौडा भिमसेनचोकस्थित थकाली भान्सा घरमा तास खेल्दै गरेका पाँच जनालाई प्रहरीले पक्राउ गरेको छ । पक्राउ पर्नेमा सूर्यबहादुर विक, उमेश नेपाली, मिनप्रसाद गैह्रे, कृष्ण रिमाल र धु्रव राउत रहेको जिल्ला प्रहरी कार्यालय तनहुँले जनाएको छ ।
तास खेलेको गोप्य सूचनाको आधारमा इलाका प्रहरी कार्यालय बेलचौताराबाट प्रहरी नायब निरीक्षक रामशरण रानाको नेतृत्वमा खटिएको टोलीले उनीहरुलाई पक्राउ गरेको हो । प्रहरीले निजहरुको साथबाट ५८ हजार चार सय ९५ नगद बरामद गरेको छ ।
पक्राउ परेका उपर जुवा सम्बन्धी कसुरमा जिल्ला प्रशासन कार्यालयबाट मंगलबार म्याद थप गरी अनुसन्धान भइरहेको प्रहरी नायब उपरिक्षक युवराज तिमिल्सिनाले जानकारी दिए ।
