निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमाैली : व्यास नगरपालिका–२ स्थित सत्यवती माध्यमिक विद्यालयको अध्यक्षमा करुण काफ्ले निर्वाचित भएका छन् । शनिबार सम्पन्न निर्वाचनबाट अत्याधिक मत प्राप्त गरी काफ्ले अध्यक्षमा निर्वाचित भएका हुन् ।
निर्वाचनबाट काफ्लेले ५८० मत प्राप्त गरेका छन् । अध्यक्षका प्रत्यासी सुरेश वाग्लेले २९०, माधव अधिकारीले ५९ र सूर्यचन्द्र लम्सालले १२६ मत प्राप्त गरेका छन् । २० मत भने बदर भएको छ ।
कूल एक हजार नौ सय ८४ मध्ये अधिवेशनमा एक हजार ७५ मत खसेको थियो । काफ्ले यसअघि सोही विद्यालयको शिक्षक समेत रहेका थिए । नेपाली कांग्रेसका सभापति एवं व्यास नगरपालिकाका प्रमुख वैकुण्ठ न्यौपानेले सूर्यचन्द्र लम्साललाई समर्थन गरेका थिए ।
माधव अधिकारी नेकपा एमाले निकट हुन् भने सुरेश वाग्ले नेपाली काङ्गग्रेस निकट हुन् ।
