निष्पक्ष र विश्वसनीय खबरको सँगालो 
Khabar Punja
२६ फाल्गुन २०८१, मंगलवार
पोखरा : कात्तिक २१ गते आइतबार साँझ ५:५० बजे बागलुङ सडकखण्ड अन्तरगत पोखराको प्रस्याङ गणतन्त्रचोकमा भएको घटना देख्ने, सुन्ने वा सवारी साधनको बारेमा थाहा पाएका व्यक्ति प्रहरी सम्पर्कमा आई सहयोग गरिदिन कास्की प्रहरीले अनुरोध गरेको छ । सूचना दिने व्यक्तिको परिचय गोप्य राखिने कास्की प्रहरीले जनाएको छ ।
पोखराको प्रस्याङस्थित गणतन्त्रचोकको जेब्राक्रसमा सवारीले ठक्कर दिँदा तनहुँको व्यास-५ निवासी १४ वर्षीय शुभम खनालको मृत्यु भएको थियो । कुन र कस्तो प्रकारको सवारीले ठक्कर दिएको भन्ने प्रहरीले अझै पत्ता लगाउन सकेको छैन । यद्यपी अनुसन्धान चलिरहेको छ । उक्त घटना सीसीटिभी फुटेजमा समेत नदेखिँदा कसले ठक्कर दिएको भन्ने नै पत्ता लगाउन प्रहरीले सकेको छैन ।
ठक्करबाट गम्भीर घाईते बनेका शुभमलाई स्थानीयले सडकमा लडेको अवस्थामा देखेका थिए ।
