निष्पक्ष र विश्वसनीय खबरको सँगालो 
Khabar Punja
२८ पुष २०८१, सोमबार
दमौली : नेपाली कांग्रेस तनहुँका पूर्व सभापति रघुनाथ पौडेलले कांग्रेसको गण्डकी प्रदेश सभापतिमा उम्मेदवारी दिने घोषणा गरेका छन्। दमौलीमा पत्रकार सम्मेलन गरेर पौडेलले प्रदेश सभापतिमा उम्मेदवारी दिने घोषणा गरेका हुन् ।
कांग्रेसको पार्टी संगठनलाई विधानसम्मत ढंगले चलाउन गर्नुपर्ने पार्टीको विविध विभागहरुको गठन गर्न, महाधिवेशनबाट गठन हुने समितिलाई विधानसम्मत रुपमा परिचालन गर्न प्रदेश सभापतिमा उम्मेदवारी दिने पौडेलले बताए ।
विपक्षी दलका कार्यकर्तासँग आफ्ना कार्यकर्तालाई सैद्धान्तिक बहस गर्न सक्ने बनाउने आफ्नो एजेन्डा रहेको उनको भनाई छ ।
विसं २०३२ देखि पार्टीको विभिन्न संगठनमा बसेर काम गरेका पौडेल तीन कार्यकाल सभापति बनेका थिए।
