निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दुलेगौडा । तनहुँको म्याग्दे गाउँपालिका र शुक्लागण्डकी नगरपालिका जोड्न मितेरीखोलामा पक्की पुल निर्माण शुरु भएको छ । म्याग्दे गाउँपालिका–५ र शुक्लागण्डकी नगरपालिका–७ जोड्न मितेरीखोलामा पक्की पुल निर्माण शुरु भएको हो ।
उक्त पुलको म्याग्दे गाउँपालिकाका अध्यक्ष मायादेवी राना र शुक्लागण्डकी नगरपालिकाका प्रमुख किसान गुरुङले बिहीबार संयुक्त रुपमा शिलान्यास गरे छ । दुवै पालिकाको लागत साझेदारी रहने गरी पुल निर्माण गर्न लागिएको हो ।
विसं २०७९ मङ्सिर ५ गतेभित्र सम्पन्न गर्ने गरी पुल निर्माणको जिम्मा कश्यप निर्माण सेवा प्रालिले पाएको म्याग्दे गाउँपालिकाका प्रमुख प्रशासकीय अधिकृत नारायणप्रसाद अधिकारीले जानकारी दिए । कर सहित रु एक करोड ४० लाख ४३ हजार एक सय ४५ मा पुल निर्माणको ठेक्का लागेको छ ।
पुल निर्माणका लागि दुवै पालिकाले रु ७० लाख २१ हजार पाँच सय ७२ लगानी गर्नेछन् । पुल निर्माणका लागि शुक्लागण्डकी नगरपालिकाले रु ५० लाख सहयोग गरिसकेको छ । पुल नहुँदा यहाँका वासिन्दालाई वारपार गर्न समस्या हुँदै आएको थियो ।
शुक्लागण्डकी नगरपालिकाका प्रमुख गुरुङले यस ठाउँमा पुल निर्माण अति आवश्यक देखिएपछि दुवै पालिकाले सहकार्य गरेको बताए ।
म्याग्दे गाउँपालिकाका अध्यक्ष रानाले प्राथमिकताका आधारमा गाउँपालिकाले विकास निर्माणका कामलाई तीव्रता दिएको बताए ।
