निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमाैली । जिल्ला प्रहरी कार्यालय तनहुँले जिल्लाका विभिन्न ठाउँबाट गाजा र लागुऔषध सहित तीन जनालाई पक्राउ गरेको छ । प्रहरीले गाजा सहित एक र लागुऔषध सहित दुई जनालाई आज पक्राउ गरेको हो ।
गाजा सहित पक्राउ पर्नेमा स्याङ्जाको हरिनास गाउँपालिका–४ बस्ने १८ वर्षीय प्रदीप मानन्धर रहेको प्रहरी नायब उपरिक्षक युवराज खड्काले जानकारी दिए । रामपुरबाट पोखरा जाँदै गरेको ग १ ख ७७२१ नम्बरको बस चेकजाँच गर्दा प्रहरीले मानन्धरलाई ९७० ग्राम गाजा सहित पक्राउ गरेको हो । इलाका प्रहरी कार्यालय बेलचौताराले शुक्लागण्डकी नगरपालिका–५ बेलचौताराबाट निजलाई पक्राउ गरेको हो ।
यसैगरी आँबुखैरेनी गाउँपालिका–४ बेनीटारबाट लागुऔषध सहित दुई जना पक्राउ परेका छन् । पक्राउ पर्नेमा म्याग्दीको अन्नपूर्ण गाउँपालिका–९ बस्ने १९ वर्षीय रन्जन अली र बेनी नगरपालिका–५ बस्ने २२ वर्षीय शिशिर बोहरा सार्की रहेका छन् । अस्थायी प्रहरी पोष्ट पुलजीपमा खटिएको प्रहरी टोलीले चेकजाँच गर्ने क्रममा उनीहरु लागुऔषध सहित पक्राउ परेका हुन् ।
प्रहरीले निजहरुको साथाबट २५ एम्पुल नुफिन, २५ एम्पुल डाइजेपाम र २५ एम्पुल फेनरागन बरामद गरेको छ । पक्राउ परेकाविरुद्ध आजै तनहुँ अदालतबाट लागुऔषध मुद्दामा दश दिनको म्याद थप गरिएको छ ।
सर्वाधिकार सुरक्षित नोट ः यस खबरपुञ्ज डटकममा सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । प्रेषित समाचार अन्य सञ्चारमाध्यमले जस्ताको तस्तै साभार गरेको पाइएकाले स्रोत नखुलाई त्यसो नगर्न हुन अनुरोध गर्दछौं ।
