निष्पक्ष र विश्वसनीय खबरको सँगालो 
Khabar Punja
८ असार २०८१, शनिबार
दमाैली । तनहुँको देवघाट गाउँपालिका–३ का वडाध्यक्ष किर्तीमान आलेको भिरबाट खसेर मृत्यु भएको छ । वडा कार्यालयबाट घर फर्किने क्रममा भिरबाट खसेर वडाध्यक्ष आलेको मृत्यु भएको प्रहरीले जनाएको छ ।
बिहीबार वडा कार्यालय सकेर घर फर्किदै गरेका आलेको भिरबाट खसेको अवस्थामा आइतबार शव फेला परेको इलाका प्रहरी कार्यालय देवघाटका प्रहरी नायब निरीक्षक एकनारायण पोख्रेलले जानकारी दिए । उनका अनुसार वडाध्यक्षकाे शव भिरबाट तल ३०÷४० मिटर तल भेटिएकाे थियाे ।
वडाध्यक्ष आले बिहीबारदेखि घर नफर्किएको परिवारलाई उद्धृत गर्दै प्रहरी नायब निरीक्षक पोख्रेलले बताए । “वडा कार्यालयबाट निस्किएपनि उहाँ बिहीबारदेखि घर पुग्नुभएको रहेनछ, आज भिरबाट लडेको अवस्थामा शव भेटियो,” उनले भने ।
वडाध्यक्ष थापा विसं २०७४ सालको स्थानीय तहको निर्वाचनमा नेपाली काङ्ग्रेसबाट निर्वाचित भएका थिए ।
