निष्पक्ष र विश्वसनीय खबरको सँगालो 
Khabar Punja
३ पुष २०८१, बिहीबार
दुलेगौडा । शुक्लागण्डकी–२ गाछेपानीस्थित शुक्लागण्डकी मुक्तिनाथ च्यवनधाम मन्दिरमा आयोजना गरिएको भजन प्रतियोगितमा मातृकेश्वर भजन समूह कास्की प्रथम भएको छ । महाशिवरात्री पर्वका अवसरमा आयोजना गरिएको प्रतियोगितमा कास्कीकै पञ्चासे भजन समुहले दोस्रो र ढकाल दाजुभाई भजन समुह शुक्लागण्डकीले तेस्रो स्थान हासिल गरे ।
भुलभुले बाराही भजन समुह शुक्लागण्डकी – २ चाैथाे हुन सफल भयो। प्रथम, द्वितीय, तृतीय र चौथो हुन सफल भजन समुहहरूले क्रमशः ५१ हजार, ३१ हजार, १६ हजार र पाँच हजार पुरस्कार प्राप्त गर्न सफल भए । ११ समुहले सहभागिता जनाएको प्रतियोगितामा वरिष्ठ लोक तथा दोहोरी गायक प्रजापति पराजुली, भजन स्रष्टा गायत्री पराजुली र भजन गायक तेजेन्द्र दुरा निर्णायकको भूमिकामा थिए ।
महाशिवरात्री पर्वको वसरमा च्यवनधाममा शिवध्वनी पुजन, सामुहिक ब्रतबन्ध, दिप प्रज्वलन लगायतका धार्मिक अनुष्ठानहरू गरिएको आयोजकले जानकारी दिएको छ।
