निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
दमाैली । जन्मदिन मनाउने सबैको आ–आफ्नै तरिका हुन्छ । आजभोलि फरक–फरक तरिकाले व्यक्तिहरु जन्मदिन मनाइरहेका हुन्छन् । तर पोखरा निवासी कृष्णप्रसाद खनालले जीवन बीमा गरेर आफ्नो जन्मदिन मनाएका छन् ।
खनाल कल्सटेन्सीका प्रमुख कार्यकारी अधिकृत खनालले रिलायबल नेपाल लाइफ इन्स्योरेन्स लिमिटेड दमौली शाखामा जन्मदिनको अवसरमा एक करोडको जीवन बीमा गरेका छन् । कम्पनीको सेवासुविधा मन पराएर जीवनको आर्थिक सुरक्षाका लागि बीमा गरेको खनालले बताए ।
सोमबार खनालको घरमै पुगेर कम्पनीका दमौली शाखा प्रमुख जगदीश काफ्लेले पोलिसी हस्तान्तरण गरेका छन् । आजभोलि जन्मदिन, वैवाहिक वर्षगाँठ लगायतको अवसर पारेर जीवन बीमा गर्नेको सङ्ख्या बढेको काफ्लेले बताए ।
