निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
दुलेगौँडा । दुलेगौँडामा आयोजना गरिएको रक्तदान कार्यक्रममा ३६ युनिट रगत संकलन भएको छ । ११२ औँ अन्तरािष्ट्रय नारी दिवसको सन्दर्भमा महिला पतञ्जली योग समिति तनहुँले बुधबार शुक्लागण्डकी नगरपालिका–४ दुलेगौँडास्थित विपिचोकमा रक्तदान कार्यक्रम गरेको हो ।
कार्यक्रममा जनप्रतिनिधिदेखि सर्वसाधारण सहभागी भएर रक्तदान गरे । शुक्लागण्डकी नगरपालिकाकी उपमेयर सविता रसाईलीले पनि रक्तदान गरिन् । उनले खेर जाने रगत दान गर्दा कसैको जिवन बाँच्ने भएकाले रक्तदानमा सहभागि भएको बताईन् । रक्तदान गर्न पाउदाँ आफुलाई सन्तृष्टि मिलेको बताइन् ।
शुक्लागण्डकी नगरपालिका–८ का वडाध्यक्ष कृष्ण रेग्मी पनि कार्यक्रममा सहभागी भएर रगतदान गरे । रगतदान पुण्य काम भएको उनको भनाई छ ।
केहीले कार्यक्रममा सहभागी भएर जीवममा पहिलोपटक रक्तदान गरे । रक्त सञ्चार केन्द्र रामघाटको प्राविधिक सहयोगमा कार्यक्रम भएको हो । रगत अभावलाई पूर्ति गर्न कार्यक्रम आयोजना गरेको पतञ्जली योग समिति तनहुँकी प्रभारी पार्वती पौडेलले बताईन् । पतञ्जली योग समिति नेपालले अनिवार्य रुपमा रक्तदान कार्यक्रम गर्नलाई निर्देशन गरेको थियो ।
