निष्पक्ष र विश्वसनीय खबरको सँगालो 
Khabar Punja
९ माघ २०८१, बिहीबार
एजेन्सी । युनाइटेड च्याम्पियन्स लिगको अन्तिम १६ बाट नै बाहिरिएको छ । युनाइटेडको घरेलु मैदानमा रेनान लोडीले गरेको एक मात्र गोल निर्णायक बन्यो । दुई लेगको खेलमा पहिलो लेग १-१ को बराबरीमा सकिएको थियो । एथ्लेटिको समग्रमा २-१ गोलअन्तरले विजयी बन्यो ।
पराजयसँगै अब राल्फ रांगनिकको टोलीसँग अब प्रिमियर लिगको शीर्ष चारका लागि संघर्ष गर्ने विकल्प मात्र बाँकी रहेको छ । खेलमा युनाइटेडले लामो समय, विशेष गरेर दोस्रो हाफ, मा नियन्त्रण बनाए पनि एथ्लेटिकोको डिफेन्सलाई चिर्न सकेनन् ।
उता बेन्फिकाले पनि आयाक्सलाई उसैको घरेलु मैदानमा १-० गोलले हराउँदै च्याम्पियन्स लिगको अन्तिम आठमा प्रवेश गरेको छ । दुई लेगमा समग्रमा बेनफिका ३-२ गोलले विजयी बनेको हो । बेनफिकाका लागि डार्विन नुनेजले निर्णायक गोल गरे ।
