निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमौली । पृथ्वीराजमार्ग अन्तर्गत तनहुँको म्याग्दे गाउँपलिका–१ तल्लो गुणादीमा बुधबार दिउँसो ट्रकको ठक्करबाट मोटरसाइकल चालकको मृत्यु भएको छ । पोखराबाट दमौलीतर्फ आउँदै गरेको ग ५ प ६०८३ नम्बरको मोटरसाइकललाई सोही दिशाबाट आउँदै गरेको ना ३ ख ४६९१ नम्बरको ट्रकले ठक्कर दिँदा मोटरसाइकल चालकको मृत्यु भएको हो ।
मृत्यु हुनेमा ऋषिङ गाउँपालिका-२ का १९ वर्षीय तारन थापा रहेको प्रहरीले जनाएको छ। ट्रकको ठक्करबाट घाइते मोटरसाइकल चालकलाई उपचारका लागि दमौली अस्पताल लगिएकामा चिकित्सकले दिउँसो ३ः५५ बजे मृत घोषणा गरेको प्रहरीले जनाएको छ । ट्रक चालक तत्काल फरार रहेपनि अहिले प्रहरीको सम्पर्कमा रहेका छन् ।
