निष्पक्ष र विश्वसनीय खबरको सँगालो 
Khabar Punja
१६ माघ २०८१, बिहीबार
दमौली । नेपाली कांग्रेसका पूर्व सहमहामन्त्री गोविन्दराज जोशीले कांग्रेसले आफूहरुलाई सधैँ तिरस्कार गरेको बताएका छन् । अरु पार्टीसँग मिल्ने तर आफूलाई देख्नै नसकेको जोशीले बताए।
उनले आफू निकटका कार्यकर्तालाई छानीछानी पार्टीबाट निकाल्ने काम भएको भन्दै सधै तिरस्कार गरिएको आरोप लगाए । उनले भने, ‘अरु पार्टीसँग मिल्न हुने बोकेर हिँड्न हुने तर मलाइ काङ्ग्रेसमा देख्न नसक्ने , गोविन्दराज जोशीलाई काङ्ग्रेसमा ल्याउन नहुने , मैले विभिन्न समिति गठन गरे तर पार्टीले वर्ताको त कुरै छोडौ मेरो पछि लागेका कार्यकर्तालाई छानीछानी पार्टीबाट निकाल्ने, पेलेर जाने म १८ वर्षदेखि नेपाली कांग्रेसको कुनै पनि पदमा छैन ‘सधैंभरि तिरस्कारमा पर्ने, छानीछानी पार्टीबाट निकाल्ने ? गुटबन्दी गर्ने काम कहिलेसम्म सहने ?’
कांग्रेसले आफूलाई कारवाही गरेपनि अहिलेसम्म पत्र नपाएको जोशीले बताए। ‘मलाइ शक्तिको आडमा दबाउने कोशिस गरे । जीवनको ७४ वर्ष सम्म काङ्ग्रेस भनेर लागि परे तनहुँमा यस्तो कुनै ठाउँ छैन होला जहाँ म नपुगेको ।’
